Galdera

 

Ahalera: noiz erabili behar da? Komunera joan naiteke ondo esanda dago?

 

Data: 2012/02/05



Erantzuna

 

Ahaleraren erabilera nagusiak bi hauek dira:

 

1. Ahalmena:"Uste dut erraz irabazi dezakegula pala partida"; "Nahi baduzu, lagundu diezazuket teilatuko erretenean geratu diren hostoak kentzen"

 

2. Gertagarritasuna: '"Baliteke datorren asteburuan Zeraina joan behar izatea"; "Ahizpa gaixorik badago, gertatu daiteke ni ere egotea: orain arte beti gertatu zaigu horrela!"

 

Horrekin batera, baimena eskatzeko ere erabiltzen dugu:

 

'"Aita, egin dezakegu gaupasa San Pedro egunean?"; '"Joan gaitezke izebarekin ostatura?"

 

Euskal ereduzko prosako bilatzailean naiteke hitza sartu, eta aipatutako erabilera horien guztien adibideak topatuko dituzu, esteka honetan.